Лөкөчөөн нэһилиэгэ - бары биир сомоҕо.

Сэтинньи ыйга Лөкөчөөн нэһилиэгин олохтоохторо уонна тэрилтэлэр, уопсай санаанан салайтаран, Анал байыаннай дьайыыга сылдьар эр дьоммутугар көмө аахсыйа оҥоһулунна. Ол курдук нэһилиэкпит аҕалара түмсэннэр, саастаах дьоҥҥо уонна Анал байыаннай дьайыыга сылдьар уолаттарбыт, чугас дьонугар-сэргэтигэр муус ылан киллэрдилэр. Ону тэҥэ нэһилиэкпит дьахталлара уонна оҕолор мустаннар уолаттарбытыгар дурда-хахха буоллун диэн хаххалыыр сиэккэлэри өрдүлэр. Уолаттарбытыгар анаан нэһилиэкпит иистэнньэҥнэрэ байыаннай көстүүм тиктилэр уонна сиэлтэн уллуҥах оҥордулар. А.И.Леонтьев аатынан Лөкөчөөн орто оскуолатын оҕолоро хас биирдии кылааһынан кыттыһан ас хомуйдулар. Ону таһынан түөлбэлэринэн ас арааһын атыылаан харчы киллэрдилэр. Нэһилиэкпит дьоно-сэргэтэ биир санаанан салайтаран, буола турар балаһыанньаны өйдөөн, уолаттарбытыгар өйөбүл, көмө тохтообот. Анал байыаннай дьайыыга сылдьар уолаттарбыт, этэҥҥэ дойдуларыгар эргиллэн кэлэллэригэр баҕарабыт.

Дополнительные фотографии:  Загрузить / Загрузить / Загрузить / Загрузить / Загрузить / Загрузить / Загрузить