2024 сыл түмүктэрэ

Тохсунньу ый 7 күнүгэр Лөкөчөөн нэһилиэгэр ааспыт 2024 сылы түмүктүүр тэрээһинэ «Сайдам» СК ыытылынна. Ааспыт сыл ситиһиилэрин үллэстэр сыаллаах, сыл чулууларын бэлиэтиир биэчэр үрдүк таһымҥа ыытылынна.
Бу ааспыт сылы Россиябыт президена Владимир Владимирович Путин Россияҕа дьиэ кэргэн сылынан биллэрбитэ, Сахабыт сирин Ил Дархана Айсен Сергеевич Николав оҕо саас сылынан, улууспут баһылыга Сергей Николаевич Винокуров  2024 сылы Бүлүү улууһугар Степан Максимович Аржаков сылынан, нэһилиэкпит баһылыга Анна Владимировна Доргонова 2024 сылы, олох-дьаһах эйгэтин тупсарыы сылынан биллэрбитэ. Бу сылбытын түмүктүүр тэрээһиҥҥэ нэһилиэкпит баһылыга, тэрилтэ салайааччылара Саҥа дьыл кэлбитинэн саала иһигэр мустубут дьону эҕэрдэлээтилэр, ааспыт сыл бастыҥ үлэһиттэригэр сэмэй бэлэхтэрин туттардылар. Маны тэҥэ нэһилэкпит баһылыга  оскуола үөрэнээччилэрин бастыҥ спортсмен оҕолоругар, туйгун үөрэхтээх оҕолорго махтал суруктары, сэмэй бэлэхтэрин туттартаата.Салгыы нэһилиэкпит талааннаахтарын бэрт сэргэх кэнсиэрдин көрөн, көрөөччүлэр дуоһуйа сынньаннылар.

Дополнительные фотографии:  Загрузить / Загрузить / Загрузить / Загрузить