Новости Сельского дома культуры «Сайдам»

Төрөөбүт сахатын тылын сайыннарыыга-чинчийиигэ олоҕун анаабыт, саха алфавитын төрүттээбит, бастакы лингвист Семен Андреевич Новгородов төрөөбүт күнүгэр тубэhиннэрэн, олунньу 13 күнэ төрөөбүт тыл уонна сурук-бичик күнүнэн бэлиэтэнэр. Бу дьаhал Саха Республикатын бастакы Президенэ Михаил Ефимович Николаев ыйааҕынан 1996 сыллаахха олохтоммута.
Ол курдук Лөкөчөөммүт нэһилиэгэр бу күн "Мин ийэ тылым - Саха тылым" өйү тургутуу хамаанданан күрэх буолан ааста.
1. Кыайыы өрөгөйүн "ҺӨҔҮҤ" хамаанда ылла. - Малышева Мария Михайловна - Николаева Варвара Георгиевна - Алексеева Матрена Алексеевна - Прокопьева Велюна - Николаева Розалия Николаевна 2 миэстэни "Далбардар" хамаанда ылла. - Мойтохонова Анна Михайловна - Петрова Варвара Ивановна - Васильева Розалия Спиридоновна - Протопопова Федора Петровна - Колтовская Саргылана Валерьевна 3 миэстэни "Ураанхай сахалар" хамаанда ылла. - Ксенофонтова Лидия Спиридоновна - Син-Хой Светлана Семеновна - Петрова Айта Лаврентьевна - Корякина Мария Федотовна - Протопопова Сахая Леонидовна 4 миэстэни "Кыдьымах" хамаанда ылла. - Яковлев Иван Андреевич - Данилов Аял Дмитриевич - Никифоров Алексей Алексеевич - Петров Дархан Петрович - Семенов Василий Юрьевич

хоһоон айыытын күрэҕин балаһыанньатын туһунан сиһилии манна көр!

Күрэхтэһии балаһыанньатын, сиһилии манна киирэн көр!

Сэтинньи 4 күнүгэр дойду үрдүнэн Норуот сомоҕолоһуутун күнэ бэлиэтэнэр. Дойду үрдүнэн бүрүүкээбит уустук кэмҥэ хас биирдиибит тугу сатыырынан, кыайарынан бэйэ бэйэбитигэр көмөлөһүөх тустаахпыт диэн санааннан салайтаран, барыта этэҥҥэ буоларын туһугар акция концерт тэриллэн, харчы хомуллан уолаттарбытыгар  ыытылынна.

Саха суруйааччыта, филолог-учуонай, общественнай диэйэтэл, саха сэбиэскэй литэрэтиирэтин төрүттээччи Платон Алексеевич Ойуунускай төрөөбүтэ 130 сылыгар анаан кыыһа Сардаана Ойуунуская суруйбут "Хочугур уола Былатыан" дьүһүйүү- поэматынан литературнай-тематическай киэһэ буолла. Оҕолор театральнай коллективтара "Мөккүөр", "Көҥүл ырыата", "Син биир буолбаат?!!" айымньылары туруордулар. Ону тэҥэ П.А.Ойуунускай "Өйдөөх оҕо","Үчүгэй түҥэтик" кэпсээниттэн "Сайдам" култуура киинин коллектива уһулбут тэттик киинэлэрэ көһүннүлэр. Биктэриинэ түмүгүнэн 100 бааллаахтарга туоһу суруктар туттарылыннылар.

Саха советскай литературатын төрүттээччи, суруйааччы, учуонай, уһулуччулаах судаарыстыбаннай уонна общественнай деятель Платон Алексеевич Ойуунускай төрөөбүтэ 130 сылыгар аналлаах биктэриинэ

Алтынньы ый 21 күнэ нэһилиэкпитигэр биир бэлиэ күнүнэн  буолла. Ол курдук нэһилиэк иһинээҕи киин уулуссаҕа аспаал ууруллан үөрүүбүт үксээтэ, кыралыын улаханныын бары то5уоруҺа мустан үөрүүлээх  быһыыга-майгыга арыйдыбыт. Тэрэһиҥҥэ улуус баһылыгын бастакы солбуйааччыта Иван ЕВСЕЕВ, оройуон дьокутааттарын сэбиэтин бэрэссэдээтэлэ Гаврил КОРЯКИН, улуус баһылыгын промышленнаска уонна инрафструктура сайдыытыгар солбуйааччыта Никифор САВВИНОВ, оройуон сэбиэтин дьокутаата Егор КОНСТАНТИНОВ. НэҺилиэкпит олохтоохторугар уонна ыалдьыттарга, үөрүүлээх түгэнинэн бырааһынньыктааҕы туорд оҥоһулунна, аҕыйах кэнсиэртнэй нүөмэр турда.

Алтынньы 20 күнүгэр "Ийэҕэ махтал" диэн бырааһыньыктааҕы эҕэрдэ кэнсиэркэ оҕолор ийэлэринээн кыттыыны ыллылар. Чаҕылхай үҥкүүлэр, күлүүлээх сыанкалар, истиҥ-иһирэх ырыалар нэһилиэкпит дьонун сэргэттилэр.

Алтынньы 11 күнүгэр нэһилиэкпит кыргыттарарыгар анаан Пижамнай вечеринка диэн мероприятие буолан ааста. Оҕолор оонньоон, фотозонаҕа хаартыскаҕа түһэн, шведский остуолга аһаан уонна киинэ көрөн астыныылара үгүс. 

Алтынньы 6 күнүгэр үгэскэ кубулуйбут "Дууһам миэнэ өрүү эдэр" диэн Аан дойдутааҕы аҕам саастаахтар декадалара буолан ааста. Эти-хааны чэбдигирдэр хамсаныылары оҥорон нэдиэлэни саҕалаатылар, ол кэннэ ылбаҕай ырыа кэһиилээх, илии тутуурдаах нэһилиэкпит баһылыга Анна Владимировна Доргонова, кырдьаҕастар сэбиэттэрин бэрэссэдээтэлэ Розалия Николаевна Дмитриева, Сайдам сынньалаҥ киинин үлэһиттэрэ уонна нэһилиэкпит актыбыыстара ытык кырдьаҕастары кэрийэн сүргэлэрин көтөхтүлэр. Нэдиэлэ түмүгэр бары мустан, итии чэйдээх остуолга олорон ирэ хоро кэпсэтэн, оонньоон, ыллаан дуоһуйа сынньанан тарҕастылар.

Билиигэ угуйар Эрэллээх сирдьиппит Күн - кэрэ киһибит- Учуутал, эйиэхэ Үөрэтэр үтүөҕэр Муударай сүбэҕэр Махтанан тураммыт Истиҥ тыл кэрэтин Махталбыт ырыатын Сүрэхпит мичээрин Култуура үлэһиттэриттэн Аныыбыт эйиэхэ!

Баспытаатал биһиэхэ Остуоруйа да кэпсиир, Таабырын да таайтарар, Ахсаан эмиэ үөрэтэр. Ырыа ыллаан эйээрэр, Үңкүүлээн да тэлээрэр. Өссө кини биһигинниин Тэбис - тэңңэ оонньооччу. Быраас буолан эмтээччи, Массыына да ыытааччы. Оҕолордуун оҕо буолар, Тэбис – тэңңэ күлэр – үөрэр. Сырдыгынан сыдьаайан, Эйэҕэстик мичээрдээн, Баспытаатал биһиэхэ – Иккис ийэбит кэриэтэ.

Лөкөчөөн нэһилиэгэр түөлбэлэринэн ыытыллар “Көмүс күһүн” тэрээһин буолан ааста. “Сарыал”, “Чараҥ” ,”Сайдыы” түөлбэ олохтоохторо көхтөөхтүк кыттыыны ыллылар. Сиһилии салҕыы ааҕыҥ...

Муус устар 6 күнүгэр, "Сайдам" култуура киинин иһинэн тэриллибит театральнай коллективпыт "Сааскы күллэринньик" диэн көр-күлүү киэһэтин нэһилиэк олохтоохторугар көрдөрдүлэр. Коллектив норуот биһирэбилин ылбыт Аркадий Новиков сценкаларыттан уонна араас тэттик туруоруулары көрдөрдүлэр. Ону тэҥэ эдэр талааннаах кыыспыт Эльвира Новикова английскайдыы ырыалары ыллаан бар дьонугар бэлэхтээтэ. Түгэнинэн, "Сайдам" култуура киинин дириэктэрэ Гаврильева Римма Викторовна улуустааҕы аһаҕас көр-күлүү "Күлбэкэ көрүдьүөстэрэ" кыайыылаахтарын уонна анал аакка тиксибит кыттааччыларын эҕэрдэлээтэ. Нэһилиэкпит дьоно-сэргэтэ көр-күлүү киэһэтигэр кэлэннэр күннээҕи түбүктэрин умнан, күлэн-үөрэн, дуоһуйа сынньанан тарҕастылар!

Кулун тутар 30 күнүгэр Үгүлээт нэһилиэгэр театральнай искусствоны үйэтиппит - Бүөтүр Игнатьевич Павлов 90 сааһын көрсө "Күлбэкэ көрүдьүөстэрэ" аһаҕас көр-күлүү күрэҕэр Лөкөчөөммүт театральнай бөлөҕө ситиһиилээхтик кыттан кэллилэр. Ол курдук: - "Толору үрдүк маастарыстыба" анал ааты ылла Анна Михайловна Мойтохонова. - "Музыкальнай көрүҥ" 1 үктэл ааты ыллылар Анна Трофимовна Николаева уонна Алексей - Алексеевич Никифоров "Мотуона" диэн норуот ырыатынан. - Көр-күлүү күрэҕэр уопсай түмүгүнэн театральнай бөлөхпүт "Сибэкки" диэн клоунаданнан "Муҥур кыайыылаах" чыпчаал анал ааты ылан 50 000 тыһыынчаннан наҕараадаланан үөрүүлэрэ үгүс. Нэһилиэк баһылыга Анна Владимировна Доргонова: ,Күлбэкэ көрүдьүөстэрэ,, бүгүҥҥү улуустааҕы аһаҕас көр-күлүү конкурсугар кулууппут театральнай бөлөҕө МУҤУТУУР КЫАЙЫЫЛААҔА буолбутунан итии-истиҥ эҕэрдээ👏👏👏💐💐💐 Кыттыыны ылбыт артыыстарбытыгар, кинилэри илдьибит суоппардарбытыгар БАРҔА МАХТААЛ!!!