Новости Сельского дома культуры «Сайдам»

"Эдэр сааһы эргитэн" диэн "Иэйии" ансаамбыл үбүлүөйдээх эҕэрдэ кэнсиэригэр, ыаллыы сытар Баппаҕаайы нэһилиэгиттэн "Күбэйэ" ансаамбыл кыттыылаах эҕэрдэ кэнсиэр буолла. Ону таһынан  Афанасий Петров, Алексей Никифоров, Александр Никифоров, Матрена Алексеева, Розалия Спиридонова, Анна Алексеева, Христина Максимова кытыттыылаах бэрт сэргэх киэһэни бэлэхтээтилэр.

Кулун тутар 8 күнүгэр “Сайдам” СК  Аан дойдутааҕы Кэрэ аҥардарыгар аналлаах “Кэрэни кэрэхсиир кэрэ аҥардар.” түөлбэлэр икки ардыларыгар ийэлэр күрэхтэрэ буолан ааста. Саҕаланыытыга нэһилиэк баһылыга Анна Владимировна Кэрэ аҥардар күннэринэн эҕэрдэ тыл эттэ, анал байыаннай дьайыы кыттыылаах ийэлэрин эҕэрдэлээн сэмэй бэлэҕин туттарда. Ол кэннэ “Сарыал”, “Сайдыы”, “Чараҥ” түөлбэттэн биэстии ийэлэр кытыннылар.
1 түһүмэх – Хамаанда билиһиннэриитэ.
2 түһүмэх - “Кэлбит кэрэхсээтин, көрбүт сөхтүн” – Талба талаан. (жанр арааһа киирэр)
3 түһүмэх – «Мааны прическа» Хамаандаҕа кытта сылдьар кэрэ аҥар батта5ын, араас ньымалары, аксессуардары туһанан  10 мүнүүтэ иһигэр тупсаҕай көстүүлээхтик оҥоруу.(Икки киһи кыттар)
4 түһүмэх- Көрдөөх ооньуу. (миэстэтигэр)
5 түһүмэх – “Минньигэстик аһааҥ” – Дьиэҕэ сорудах (Дьилэригэ ас астаан видеоҕо устан дьүүллүүр сүбэҕэ  аҕалаллар.(Биир бүлүүдэ)                                                      
6 түһүмэх- «Көрү көҕүлүттэн, оонньууну оройуттан» - көрөөччүлэргэ арылдьытыы. (дьону – сэргэни оонньотуу).
7 түһүмэх – “Кэрэ көстүү” – Киэһээҥҥи былааччыйа көрүүтэ.(Биир киһи кыттар)

Түмүккэ дьүүллүүр сүбэ быһаарыытынан “Сайдыы”  түөлбэ кыайыы үөрүүтүн билэн нэһилиэк эр дьонноро туруорбут сыаналаах бириистэринэн грамотанан, наҕараадаланнылар.
Үөрүүлээх тэрээһиҥҥэ эр дьон вокальнай ансаамбыла, ылбаҕай ырыалара ,”Лөкөй” бөлөх хомоҕой хоһооннорунан нэһилиэк кэрэ аҥардарын эҕэрдэлээтилэр.
Сааскы маҥнайгы бырааһынньыгынан алааспыт ытык кырдьаҕастарын, далбар хотуттарын, эдэр ийэлэрин, кэрэчээн сибэкки кыргыттарын итиитик-истиҥник эҕэрдэлиибит! Чэгиэн доруобуйаны, уһун дьоллоох, уйгулаах олоҕу баҕарабыт!